好叉好味 (多寶樓) (已結業)

之前中環開既時候已經聽過呢間野，最近佢開到嚟鰂魚涌，所以買嚟試下。今日我大概6點半左右買，去到都有3個人等緊，我買既係焦蜜叉燒菜飯，佢話5分鐘有，所以我就走左去第二度買野，十五分鐘後返到去已經有得攞。返到屋企即刻開黎影相，面頭片流心蛋好靚仔，搬開佢之後見到嘅係一層叉燒，望落好似ok油亮亮。食落我覺得夠腍夠甜加少少焦，但係老公就嫌唔夠肥，可能會咁啱分到既叉燒比較瘦啦。食食下見到菜飯之吓仲有一層叉燒😳所以都比想像中多叉燒，好驚喜。可惜既係，唔知係咪d菜飯擺耐左？我地都食到少少酸縮味，所以最底一層菜飯冇食曬😥