敏華冰廳 (新達廣場)

呢間餐廳近年開到周圍都係，今日終於一試！價錢就偏貴，不過食物質素都有翻咁上下，尚算可以接受。

🔺黯然銷魂飯 (叉燒煎蛋飯)
呢個叉燒煎蛋飯係出乎意料地非常好味！🤩食叉燒煎蛋飯最驚個飯好乾，但呢個就唔會，因為隻蛋係流心蛋嚟嘅，輕輕一篤個蛋黃，啲蛋汁就流曬出嚟！蛋汁+佢嘅自家頭抽一齊食，甜甜地又鹹鹹地，食到我舔舔脷。😋


主角叉燒就更加抵讚！叉燒雖然偏瘦，而且都幾厚，但係食落卻一啲都唔韌。我覺得叉燒嘅調味比市面一般嘅叉燒鹹，但連埋佢甜甜地嘅醬汁一齊食就啱啱好。唯一美中不足嘅係只係得四嚿叉燒，略少。


價錢 ($65) 偏貴，但係個人認為值得，推薦！