四寶食堂 (兆安廣場)

營業中

休息中

雖然叉燒唔夠肥，但出奇地唔會好銀，而且幾香口。滑蛋煎得好靚，唔會太老又唔會生到好似芙蓉蛋咁，恰到好處，而且調味好出色，有蛋香之餘亦唔會太甜。配上豉油汁，好有舊式茶餐廳嘅感覺，整個飯汁嘅份量控制得好好，唔會多到浸爛個飯，但又足夠撈晒成個飯都食。$58包飲品，凍飲加$3 ，銅鑼灣來講算中等。同檯朋友叫咗我上次食過嘅牛脷，今次佢就配意粉。不過就有啲失望，上次我食緊牛脷好Juice，今次好乾好多筋。而且上次配左好多沙律菜，今次只係得幾條豆苗，我仲介紹朋友食搞到我都有啲尷尬。希望佢哋可以控制好個質素啦，雖然宵夜餐只係$48包嘢飲，但係今日牛脷意粉嘅質素真係麻麻地。