翠苑燒臘飯店

今日晚上唔煮飯，又再出街覓食。不過又唔想食得太飽，又想食肉，諗諗下屋企附近有間燒味飯，外賣飯盒都係２７蚊。之前成日都想試，成日都見大排長龍，一到大時大節，個個都黎呢間斬料，今日一於黎試一試。

係門口企左一陣，諗緊食雙拼定單拼，諗諗下都係食單拼，食叉燒飯算，因為我鍾意食叉燒，唔想食雙拼分薄左Ｄ叉燒數量。

先買飛，然後係門口等，等左約５分鍾就有。返到屋企（約十分鍾路程），仲熱既，而且有湯送，都不錯。

叉燒全部都係唔肥，顏色係靚既，食落都係好味，唔係擺左好耐同諧口。Ｄ飯都算多。


以２７蚊叉燒飯，絕對性價比係高。