沐白小農 (已結業)

過年其間個天氣真係好靚，不熱不凍，涼涼地行下街至啱，去十二蚊店買完野，心癢癢又想飲下台式飲品，上次飲過沐白幾正，一於返尋味先。過年都有開門的沐白小農，新春無加價～沐白黑糖波霸鮮奶（$30）＆鐵觀音烏龍拿鐵（$28）＆大甲芋頭鮮奶（$30）呵呵，叫了三杯同親戚一人一杯，大size慢慢飲。自己要返芋頭奶，因為太正了不想試新野。一半芋頭一半鮮奶搖混先可以飲，芋頭味極香甜，奶又滑，好似食緊芋頭糖水咁㗎，而且無添加額外糖分，飲完都不會口渴，芋頭控必試！呢杯係黑糖鮮奶，雖然無靚靚嘅黑糖掛杯，但賣相都不錯呀。又係要搖混先飲搖到無哂黑糖黏住就得啦，珍珠煙韌有咬口，不算太甜呢。唔唔…係黑糖鮮奶無茶的，個奶味真係好勁呀！仲有一杯係烏龍鐵觀音鮮奶，呢杯啲奶沉底的。又黎搖一搖先。飲得，茶味清香幾正喎，親戚要左最少那隻甜度，個人覺得都係略甜，茶飲無糖好飲啲噃，呵呵，各有各人所好啦，親戚話好飲就得。好大杯，飲完即刻飽左。