神戶屋日韓放題

營業中

休息中

冇返香港兩個月，一返黎就好想食放題😍😚因為我朋友都對放題好有要求，所以我就介紹佢黎神戶屋食！一黎到，真係水準高咗唔係講笑，款式仲要比幾個月前多咗好多！🤘🏻好似黑松露系列😆 冇諗過配壽司都咁好味呀！仲有韓式炸物，好似蜂蜜芥末炸雞，一口芝士，雖然呢個唔係韓式餐廳但係水準都唔差，好值得試🤘🏻當然一定要叫嘅就係呢到嘅刺身啦！最特別係天使蝦 又大隻又肥美 每次黎都必點架！三文魚好新鮮，對於三文魚愛好者就一定唔會失望啦！當然啦 咁鐘意食刺身嘅我點少得帶子，玉子，赤蝦！食放題最着重就係刺身🤤呢到嘅刺身認為高質！順帶一提，呢到嘅象拔蚌都係必試嘅！我亦都叫咗炒雜菌、地獄烏冬、燒五花腩🤤🤤🤤熱食都推介！ 最後，當然唔少得甜品啦🙆🏻