茶木‧台式休閒餐廳 (荃新天地)

營業中

休息中

上星期收工又約左朋友去荃新天地既呢間茶木一聚，但今次決定要試下佢地既新野。叫左杯草莓yoga特飲同西瓜柳丁蘆薈，2杯野飲都好有特色，我好鐘意，yoga特飲酸酸甜甜，又有士多啤梨既香味，而個西瓜蘆薈好清新，又有蘆薈𡁻下。之後試左個蚵嗲肉碎泡飯，佢唔係新野，但依然好有水準，佢既蚵仔份量好多，而且味道調得岩岩好，適量既肉碎加上少少胡椒同莞茜不單可以吊到蚵仔既鮮味仲，可以去腥味，好出色。黑醋味冧豬軟骨，肉質好林，睇黎係煮左好耐，而且好入味，份量不多，不會食到好濟。最後既甜品，我地叫左黑白配三味吐司條，toast好鬆脆，即使不點醬也好香好甜，但佢有3款醬比你選擇，其中我比較喜歡芝士牛奶，味道很match不會太甜。