2+2 Café (已結業)

難得朋友係澳洲返黎，本身想同佢去high tea傾餐飽，但因為呢排比較忙，只好放工先同佢食飯。朋友除左鍾意食甜品、仲鍾意刺身、壽司、串燒同埋海鮮等等，為左可以一次過滿足佢既願望，我就帶左佢去帝都酒店既2+2 cafe。一開始我地就向即開生蠔、刺身及壽司出發，生蠔鮮甜，壽司種類多，除左有預先準備好既壽司仲有即製壽司。好少係buffet食熱盤既我，今次都比即燒既海鮮、串燒、炒蟹同埋喇沙吸引住，沙嗲串燒睇落好似好乾，但入口好juicy，除左有平時食開既雞肉、牛肉、豬肉，呢到仲有埋羊肉串，味道一流。值得一讚既係自助餐有樽裝汽水供應，仲要係任飲，天氣咁熱真係可以降降溫。甜品方面款式都算多，除左蛋糕，仲有10款唔同口味既雪糕、炸香蕉、珍多冰等等，諗起都想再食呀。而且自助餐期間仲有有獎遊戲玩，好可惜我同朋友手腳都太慢la，攞唔到獎。但係我地一邊食一邊傾，真係好開心呀，下次會再帶其他朋友去食。