當時已經很想試試呢間空間感很大的cafe, 仲係pet-friendly
所以想先來探路, 可以的話就會再帶狗狗來
踏入2024終於有點空閑
是日放工跟男友要來試試
原來已轉換了crossover 主題了
轉咗RPG遊戲「星穹鐵道」主題, 不過姐不打機, 所以對此主題不了解
但相信都有不少粉絲, 是晚都遇到有些是來幫襯和打卡呢~
粉絲要留意呀, 打卡之餘, 做齊以下動作會有野送
1
點餐是用QR code的, 除咗人類食物, 仲有pet menu, 唔錯
晚餐點咗幾款食物:
牛角包窩夫伴薯條+大大份炸雞排
自從男友發現血糖指數邊緣後, 已很少陪我吃甜品
幸好這幾年發明了Croffle後, 就好似一份甜品的代替品
Croffle唔甜, 夾埋生菜蕃茄和雞排呢d鹹食的都很match
不過雞排比想想中細, 因為menu說是"大大", 以為會很大
但味道又不錯, 表面脆脆的, 而雞肉又嫩滑
薯條都係新鮮脆卜卜的, 如果食哂成份都幾夠飽
平時少吃菜, 所以外出食飯點都會點一份菜
經典凱撒沙律, 原片生菜葉, 又勁多醬 (似蛋黃醬)
生菜咬落好juicy, 是正常發揮
厚切慢煮唐揚豬腩肉配菠蘿蓉酸甜醬
呢道菜都幾特別, 要推介嘅
佢嘅豬腩肉已經切開一片片, 表皮烤到好香脆, 內裡是柔軟的豬腩肉, 一d都唔覺得肥膩
配埋酸甜醬真係好開胃
食完酸甜細後, 再試中間嘅菠蘿蓉就變得很啖味(口感有少少椰蓉咁), 所以我地都係鐘意蘸酸甜醬多d
食哂d豬之後, 食埋件燒菠蘿當飯後果, 都係酸酸甜甜, 成件事又好夾
本身好想試佢哋D啡, 但唔慣夜晚飲, 所以試咗呢杯
綠奶昔
係牛油果同埋香蕉, 我鐘意佢入面係無冰碎得嚟又夠凍
呢2款生果都係我常吃的, 2者都係較飽肚同杰身, 所以飲咗大半都飽飽地
面頭仲加咗少少SUPER FOOD奇亞籽, 飲完覺得自己好健康
連平時唔肯食生果嘅男友都肯啜咗幾啖
下次我會帶埋狗狗嚟, 同埋想試下佢嘅啡
BTW, pet friendly區係有門間格住, 所以怕狗的朋友仔唔使擔心
大家各有各玩, 互不相干, 唔係太多餐廳做到
