Fiat Caffé (已結業)

佢地仲係銅鑼灣既時候，兩次行入去都無位，心諗，咁勁？定係香港人D試新野既心態呢？一如以往，呢D舖頭唔會急於食，唔會特登等位，都係等到無人排隊先試！ 去到尖沙咀，佢都排左一段時間。衣家卒之唔洗排，仲係星期五夜晚添，人唔多，七點半都只有6成滿！叫左兩款野做我既晚餐。 快意特式沙律﹕賣相靚仔，沙律菜都好新鮮，仲有D好甜好細粒既粟子，好味道，個汁微微既甜甜酸酸唔會太過火，唔錯。就係賣得貴左少少…成130蚊，一人份既既碟頭，雖則有兩塊prosciutto，但賣80蚊就差唔多！ 烤西班牙黑毛豬鞍﹕呢個係佢地既推介，我都抱有好大期望，仲係好懷念九龍城Pavia既黑毛豬，燒得又脆又惹味又多汁！佢地呢到一上枱，賣相已經大打折扣。豬鞍份量同厚度還可以，但係就燒得唔夠香口，無咩上色。再切入去，無咩肉汁，兼且overcooked，入口鞋、實、乾、無味！已經諗起大家樂焗豬扒飯塊豬扒…比佢好味得多。最後食到痴骨既部份，有少少生，先食番黑毛豬應有既口感同肉質。 而且配菜係極少兼無咩調味，一D都唔好食，賣咁既價錢，極失望。咁既價錢，我係尖沙咀，都仲有好多更好既選擇！