雞蟹煲 (已結業)

天氣咁鬼凍, 朋友提議再去台灣一品花鵰雞度食. 但係大家啱啱先至上星期去過, 不如去openrice搵新地方打邊爐~ 醒起呢排西環開左好多火煱店, 見到呢間雞蟹煲又有得食雞煲又得hotpot~ 二話不說即打電話訂枱試試今次點左雞煲辣味, 個煲初初食好有藥材味, 跟住烚耐左, d朋友話個煲好似越來越辣, 我就覺得無問題~ 反而台灣一品花鵰雞個雞似一鍋菜, 個味道好似三杯雞。仲有呢度加湯唔洗加油, 我地第一次會架番雞煲湯底, 個湯底超正, 係比較油膩, 因為我地點左雞腸放埋入去一齊滾。食完個雞煲再試左本地手切肥牛,聖子,貢丸, 芝士丸, 白鱔, 冬瓜, 紹菜, 鮮府竹, 仲有稻庭烏冬~ d火煱料全部都好好味, 由其個烏冬, 超滑無得彈 , 而個本地手切肥牛例牌比較細碟, 點大size會抵吃d, 不過都夠我地四個人吃~下次黎再試埋個蟹煲先至得