肉餅哥小炒料理 (已結業)

去荃灣探朋友，男友喺附近等我諗住去荃新天地行街，見時間已經7點鐘，行過見到肉餅哥，上次同媽媽在大圍分店食過蟹粉肉餅超好味，今次要帶男友試一試。店舖設計風格都同大圍好一致，以簡約原木設計，牆上還貼著很多有趣的肉餅介紹。上次食過蟹粉煎肉餅好好味，今次都要再encore。上次已經好想試花膠煎肉餅，今次當然要試一下哪！點完菜職員就送上兩碗例湯同汽水，當日例湯係青紅蘿蔔湯。跟住花膠肉煎肉餅飯就已經送到，賣相好吸引。急不及待，已經要試一試肉餅同花膠既味道！今次叫左菜飯，肉餅好多肉汁好好味，成個飯有成五六塊厚厚的花膠，入口十分痴咀，無腥味，感覺食左好多膠原蛋白，好養顏。跟住蟹粉煎肉餅都到枱，未送到上枱已經聞到佢既香味，厚厚既蟹粉勁香，唔想食咁多飯，我地叫左一個米粉做配搭。整啖蟹粉入口，蟹味濃郁，蟹粉價錢唔平，真係好足料啊！男朋友係炸雞肶怪，見到菜牌有個E級炸雞肶仲配埋沙律，就好想試吓。上枱隻雞肶真係超大隻，有我成隻手掌咁大隻，真係又足料，不得了。雞肉好厚，味道都好好，雞肉好嫩，用黎加料都不錯啊！很滿足的一餐。