新記雞粥 (鴻禧大廈) (已結業)

星期六放假訓到黃朝八晏先落旺角食早餐，見到有間食雞粥好多人食,就入去幫襯佢啦🤣沙嗲牛肉麵配太陽蛋及菠蘿包沙嗲牛既醬好香濃，牛肉都比得好足，再配過公仔麵，菠蘿包表層好香脆，咬落鬆軟又有牛油既香味，完全係港式口味啊～貴妃雞粥 雞肉煲完都仲保持到好嫩滑，食落個陣好香既雞油味，加上熱辣辣絲綿幼滑既粥，為晨早注入力量啊！佢地既貴妃雞好香滑，肉質嫩口而不粗糙，好有雞香味，推介比「雞精」啊～蝦米腸，鮮蝦腸佢地既腸粉米香味幾濃，食落都好幼滑。蝦米腸俾足料，鮮蝦腸用料食鮮，蝦肉彈口唔失禮～炸鯪魚球外表香脆而不焦，食落好香鯪魚味道，咬落質感仲有小小彈口！