咖啡灣 (荃灣千色匯) (已結業)

今日朋友突然打電話來話一齊食飯，我呢個朋友係返shift 平時比較難約，所以佢叫到就梗係出啦。原來餐廳佢都揀好咗，係荃灣既'咖啡灣'，地點方便餐廳又幾靚咁都想試下😝。係千色店側門出，係停車場隔離好易搵，去到既時候朋友已經攞左飛，我哋大約等左15分鐘就有位。餐廳擺設都好用心《軟殼蟹沙律》軟殼蟹炸得夠脆身，菜夠新鮮配埋芝麻醬就更醒胃《墨魚汁帶子義大利麵》麵太乾身我覺得麻麻（但朋友好鐘意）《黑松露什菌蘑菇屋》黑松露味好香，大蘑菇又肥厚食落有口感又Juicy，忌廉汁又香滑《檸檬藍蝶花梳打》《玫瑰青提》《紅豆綠茶雪糕窩夫》最後呢個甜品真係一啲都唔馬虎，窩夫外脆內軟，綠茶雪糕配紅豆又夾，紅豆雖然有啲甜但我鍾意，忌廉打得夠滑又唔滯👍🏻