一起果醬 (已結業)

朋友話想試呢間餐廳，我聽到果陣呢間店名仲諗有咩好食啊，係咪淨係食多士？個店名真係好得意，因為佢賣好多唔同既果醬，亦會將果醬融入不同食物。我地叫左個dinner set，有個田園沙律配熱情果醬醋汁，忌廉蘑菇湯，同埋主菜慢煮厚切安格斯西冷扒配玫瑰蘋果汁～另外再叫左個all day breakfast 配黑毛豬。個沙律酸酸地非常開胃，菜都好新鮮！個蘑菇湯係用鮮蘑菇打出黎，食到粒粒蘑菇碎，超好飲！！！西冷唔係太大塊，慢煮既肉非常鮮嫩，唔會鞋口，好高質伴碟有露筍，薯仔同蕃茄。All day breakfast 既滑蛋好正，主魚黑毛豬好滑好入味，好好味！！多士可以揀一隻果醬，揀左雜莓果醬，酸酸地又多果肉！總括而言，一起果醬既食物都好好食，環境唔錯，係略縑價錢貴左少少。