章魚船 (已結業)

之前經過見到裝修緊，又熱狗又壽司好少見喎，今日行過見到試業中，擔粗粗入去試下。😁
佢寫住熱狗要等大約10至15分鐘，所以先叫左個特濃芝士熱狗。有手握壽司當然要試下啦，係咁咦叫左幾件試下，再叫咗一杯乳酸綠茶。

原來試業叫個小食特飲可以減$15，小食都係$15，咁即係送個小食，咁就叫多個吉列多春魚啦。

先嚟壽司，魚生新鮮，比我想像中好。

再嚟係吉列多春魚，炸得幾好，最緊要係唔油，講真$15有5條接受啦。

最後係特濃芝士熱狗，味道都唔錯，最欣賞個麵包底，烘乾左個面，少少脆，但係個包心仲係軟熟既，呢個加分！

呢間可以一試，我就會再食。