PizzaExpress (已搬遷) 新店位置

之前睇左好多食評，都話呢間餐廳好多嘢都好好食，例如焗蘑菇、焗麵包等，可能期望越高失望越大啦.....星期四4個人用兩張喺團購買返黎o既優惠券試食，點左網友所講必叫o既焗蘑菇、焗麵包，三文魚、主廚精選沙律、雞肉沙律、pama pizza 同大蝦意粉。焗蘑菇&焗麵包都唔夠熱，啲麵包硬硬地，好似唔夠新鮮咁......三文魚ok，不過無特別！pama pizza 幾好，個餅底好脆，不過有啲邊較為燶，但整體係好味o既，起碼塊火腿都幾大塊！意粉好食！辣辣地，啲蝦幾大隻同爽！份量適中。整體我覺得一般，星期四佢唔算繁忙時間所以無趕我地走，但平時佢有限制用餐時間o既。啲食物無一樣係非食不可咁喎，不過同朋友食飯都算幾好坐o既。