元綠壽司 (已結業)

今日七人黎食野,服務唔錯,不過有D慢,等佢執間房俾我地O既期間,D朋友去左提款,洗手間, 俾到房我地果陣,之後都已經等齊人LU~叫左2個A餐(忌廉汁吉列魚柳飯),4個B餐(叉燒雞球拉麵)(3辣1唔辣),一個牛肉拉麵,同我最愛O既三文魚, 辣味三文魚加黃金小柱壽司~嗌完野,其中一個同事好不滿,問我地點解要黎元綠,因為佢已經BLACK LIST左依間野,佢話次次都要等半個鐘頭D野食先黎,我無聲出啦,因為係我提議O既~點知佢講完前菜好快黎到,之後就係A餐啦~(就係果個同事叫O既,佢即時無聲出) 壽司~辣O既B餐,牛肉拉麵~點知我地都食到一半個,個唔辣B餐仲未黎, 追左一次,都無聲氣, 再問,話仲差叫炸雞未炸好佢講完,碗野就黎緊... 擺明又漏單啦...講番D野食, 我食左壽司, 三文魚好肥美, 辣味三文魚師傅好似輕手左, D辣汁無落到過晒火,起碼仲食得出三文魚O既鮮味,唔錯唔錯~黃金小柱D帶子仔好大粒~正...美中不足係唔夠凍!!我個辣B餐, D叉燒幾好食,但D炸雞就好似咸左D囉~不過都叫OK, 因為應該係炸左無耐~麵質我唔係好欣賞, 一"住住", 唔係好滑,不過30蚊包埋前菜同餐飲都算係咁