影片
更多
2011-06-25
515 瀏覽
趁未到暑假未熱到無晒胃口，所以就趁機去呢度打邊爐。記得早兩個月同一大班同學由夜晚7點食到半夜3點， 點會對呢間火鍋店無印象呀?夜晚8點唔夠去到，因為太座未到，本來都想行一陣先入去，但係記得上次一到8點就座無虛席，回心轉意之下，都係入去坐住等好過，好彩! 入到去只係剩返一張細枱，要多張都無；坐咗唔夠10分鐘就全塲爆晒。坐低第一時間除咗睇下有咩好食外，立即同經理講留一碟聖子俾我先!!!事關根據以往經驗，聖子係會好快賣晒嘅!因為入貨量唔多，但係又新鮮好食!!!之後，俾我見到象拔蚌剌身跟湯底有特價嘅單張，既然有平，唔駛諗啦，即刻叫番個先!因為我怕遲叫會無晒。另外，記得上次食條活魚好味又抵食，所以今次再叫多次，今日嘅係花蚌，上到枱個口仲擘擘下架!!!保證新鮮同即叫即切!!!現家用$98都唔知去邊度可以食到，仲要侍應見你食完後會立即同你拎咗去…….切番啲骨俾你打邊爐喎!!!真係好抵食又唔浪費架!!!由於已經叫咗咁多嘢而只得兩個人食，所以今次唯有罕有地唔叫雞子，不過，牛肉同菜就一定要叫架啦；唔食牛肉不如唔好打邊爐，係唔係?!呢度嘅本地手切牛肉雖然唔係啲咩貴價貨食，但係就同出邊較貴嘅有得揮，因為價錢實
夜晚8點唔夠去到，因為太座未到，本來都想行一陣先入去，但係記得上次一到8點就座無虛席，回心轉意之下，都係入去坐住等好過，好彩! 入到去只係剩返一張細枱，要多張都無；坐咗唔夠10分鐘就全塲爆晒。
坐低第一時間除咗睇下有咩好食外，立即同經理講留一碟聖子俾我先!!!事關根據以往經驗，聖子係會好快賣晒嘅!因為入貨量唔多，但係又新鮮好食!!!
之後，俾我見到象拔蚌剌身跟湯底有特價嘅單張，既然有平，唔駛諗啦，即刻叫番個先!因為我怕遲叫會無晒。
另外，記得上次食條活魚好味又抵食，所以今次再叫多次，今日嘅係花蚌，上到枱個口仲擘擘下架!!!保證新鮮同即叫即切!!!現家用$98都唔知去邊度可以食到，仲要侍應見你食完後會立即同你拎咗去…….切番啲骨俾你打邊爐喎!!!真係好抵食又唔浪費架!!!
由於已經叫咗咁多嘢而只得兩個人食，所以今次唯有罕有地唔叫雞子，不過，牛肉同菜就一定要叫架啦；唔食牛肉不如唔好打邊爐，係唔係?!呢度嘅本地手切牛肉雖然唔係啲咩貴價貨食，但係就同出邊較貴嘅有得揮，因為價錢實惠，而且份量夠同有牛肉味，打邊爐食太多油脂嘅肥牛我就覺得麻麻地，因為太肥膩喇!
由於無我嘅至愛唐蒿，唯有退而求其次食皇帝菜，OK啦!呢味菜我話到有幾好食都唔會有人信啦，咪又係菜一碟。
由於地點關係，呢度比較熱鬧同嘈雜，始終都係太子，但係侍應到無話人多而當我無到；鍾意飲啤酒嘅人就更加喜歡呢度，因為嚟親總會有一種啤酒做特價，而我呢次就咁啱係我最喜歡嘅品牌添。要食中價火鍋，呢度係我嘅不二之選!
張貼
