簡.聚 (已搬遷) 新店位置

簡。聚 Granjero 經常行去西菁街附近去買寵物用品，但竟然唔發現網球場旁邊有一間西餐小店，怖置帶歐陸風情，室外擺咗好多紫色既花做裝飾，加埋少少圍欄同幾幅圖，感覺好悠閑。😆😆今晚天氣唔錯，我地坐咗室外位置，由於有個大吊扇，所以都算幾涼爽。經店員介紹，我地首先試咗佢地既生蠔先。第一款係銀堡疊，肉質肥厚飽滿，入口都好creamy而且帶海水味。另一款就選擇咗日之雪花，相較而言呢隻入口比較爽口，蠔味較濃郁突出。😃😃呢到要讚既係店員係逐樣野上，每道菜都新鮮熱辣上枱，唔會怕凍晒。前菜我地叫咗一個西班牙火腿田園沙律同埋煙三文魚蟹肉他他。西班牙火腿入口油脂感豐富，加上黑醋沙律，酸甜既黑醋平衡返，令火腿油膩感減低。蟹肉他他亦做好有水準，上層佈滿大量蟹肉，中間有一塊好大既煙三文魚，最下層有沙律菜同埋牛油果，口感同味道都好豐富。😄😄主菜就揀咗烤西班牙乳豬配蘋果茸醬。主菜擺盤好靚仔。烤乳豬非常香，我都專突用刀輕輕刮下乳豬表皮，果好脆身。乳豬皮非常薄，脆到好似薯片咁，加上皮下既脂肪，入口又香又脆。乳豬肉唔算好肥，肉質好嫩滑，同外皮有截然不同既口感。配埋自家製既蘋果茸醬，蘋果加上少少肉桂既香味同乳豬好搭配。😍