花宵 (已結業)

今日趁放假同男朋友出去周圍搵嘢食，意外發現呢間居酒屋，呢間居酒屋由於啱啱新開張，提供左一個優惠價嘅omakase，原價$588一位，而家只需要$388一位，見佢咁抵就抱着試一試嘅心態去食，估唔到都有意外驚喜。因為係樓上鋪嘅關係，佢嘅人流冇咁密集，鋪內嘅氣氛都十分舒服，幾啱同朋友坐低飲下酒傾吓計或者同情侶拍下拖撐枱腳。咁今次師傅發辦有前菜，刺身，壽司，熱葷，麵豉湯，甜品。前菜有一個茶碗蒸同一個沙律，味道比較清新幾開胃。刺身方面有深海池魚薄片，呢一味菜我比較深刻，可以見到師傅嘅刀工好精細，每一片嘅厚薄都好平均，而且味道好有鮮味。另外一道比較深刻嘅菜係海膽吞拿魚三文魚子杯，三種味道溶埋一齊都幾驚艷。五款唔同嘅壽司都各有特色。蜆湯味道同用料都做到足。抹茶蕨餅甜甜地配搭抹茶粉層次都好豐富。