臺北棧 (港威商場)

營業中

休息中

齋睇環境已經非常之ig able，走呢個嘅少女粉紅風，一定會吸引唔少絲打嚟打卡。座位佈局都超有心思，有日落打卡卡位又有VIP房，座位夠晒寬敞舒適！除咗食裝修之外，佢嘅食物都一樣咁打卡able。三色鹽酥雞：肉質鮮嫩 好脆多汁，廚房做炸物嘅功夫十分了得。三款醬分別係 惹味嘅冬陰功、香濃嘅黑松露、清新嘅柚子，唔係剩係得個樣㗎！隻隻都好好味，完全揀唔到別隻係VIP。蒜香三色台腸：本身已經好鍾意食台灣腸嗰隻甜甜地嘅味道，你而家再on top加埋蜜糖，對我嚟講仲滋味。蒜片炸過 香氣十足之餘，仲為呢碟菜式增添咗口感。