花斑茶社 (和富道) (已結業)

花斑茶社喺北角和富中心開咗新分店😆，真係勁方便我呀🙃.個鋪面好大好闊落，行簡約嘅風格，仲有一大幅願望牆比大家掛願望上去🎏，唔使錢㗎，我都寫咗一個😙.飲品我就叫左鳳梨冰紅茶加寒天，冰茶入邊有一粒粒菠蘿🍍，再加埋寒天，就會有兩種口感，菠蘿粒嘅爽同寒天嘅煙韌🤤.另外仲叫咗杯芒果冰茶四季春加蜂蜜珍珠🥭，四季春茶底好香，蜂蜜珍珠我都係第一次試，比起一般嘅珍珠多咗一層香味😋.唔知點解，我今次兩杯飲品都唔記得叫少甜😣，不過出嚟都唔會太甜，好彩咋🤗