半糖主義 (已易手) 新餐廳

今日同朋友係西環影完相 就順便睇下付近有咩甜品食，行過見到呢一間半糖主意門口都有人係度排梗隊就過去望下啦。入面都幾靚又有打卡位，見到人地食既甜品都幾靚。 等左唔係好耐就人左去，我地就叫左紫薯窩夫·士多啤利拿破崙·同熱洋甘菊檸檬茶。先講講食物既賣相都整得好靚好配合四周環景再加分成件事好少女。係講紫薯窩夫 紫薯味相當之濃好食窩夫又唔會好硬好食！ 士多啤利拿破崙 士多啤利唔會酸 夠甜 拿破崙都好有層次 仲有個雪榚添！ 最後熱洋甘菊檸檬茶 都幾好飲唔會甜過頭 飲落去好舒服 最重要洋甘菊抗氧化