孖寶去骨海南雞 (又新街)

今日去元朗做嘢，諗住去又新街逛吓有冇嘢買。見到好多人買外賣，湊熱鬧見到原來係海南雞。
左睇右睇揀咗一個孖寶二人餐：半隻去骨海南雞；夠晒嫩滑；仲有佢哋自家出嘅三種配料。另外配個餸我揀咗魚香煎肉餅；好有鹹香味，五件大大件；送飯一流。
另外包個時菜同兩個飯。
仲有兩個無味精雞腳，蘿蔔粟米湯；非常好飲；啱晒我哋啲寡佬。
百幾蚊咁多嘢，覺得幾抵；難怪咁多街坊幫襯。