太平洋咖啡 (已結業)

同男朋友食完飯，想揾個住坐，我地今次醒了，吸收過上次去cafe比嘢咬的緣故，今次唔再去cafe，去左旺角新世紀的Pacific coffee飲嘢坐下，傾下計，一來呢到無最低消費，唔需要限每人一杯飲品，因為係連鎖店，員工態度都好好，唔會要你等好耐，同比說話你聽。呢間pacific coffee都幾好坐，因為人客不多，都比較多位，連員工都好似比較free啲。今次我地叫左杯兩重朱古力沙冰，可能係因為沙冰緣故，所以都幾襟飲，不過就偏甜，當然平時飲pacific都知佢係好甜㗎啦，又或者佢係因為沙冰怕佢溶的關係，要調教到甜啲先得，加上唔係我買，無同到pacific order甜度，所以都不能怪佢太甜。整體而言，飲品水平不錯，而且想揾地方坐，呢間pacific coffee係不錯的選擇。