影片
更多
2017-10-23
104 瀏覽
之前都試過去兆萬食放題，不過就未食過8樓嘅呢間神戶屋，咁岩約咗幾個朋友都想食放題，就揀咗呢間一齊試吓😋平時食開嘅放題感覺上都係好多客人，所以啲staff全部都好忙冇乜點招呼，但係係呢度就有被照顧周到嘅感覺☺️啲staff好nice，會提我地邊啲野要趁熱快啲食、見到隔離嗰台人食完走咗，就叫我地坐過啲，驚我哋會坐得太迫、仲會好勤力咁幫我地執碟換碟，全餐晚飯嘅服務都超好😍😍😍除咗服務，呢度嘅嘢食都唔執輸！款式多之餘，賣相都唔錯！👅打頭陣嘅就有呢個魚生拼盤，以我哋四個人黎講，呢個份量唔算多，但係啲魚生都依然排得好靚好整齊，仲有啲花花喺後面做裝飾，搞到我哋掛住影個魚生拼盤，都唔記得咗影返我哋自己嘅合照，食食吓先醒起我哋唔記得咗幫自己影相🙈之後就到壽司同軍艦，服務員好貼心咁提醒我哋火炙嘅壽司要即刻食先好食，所以我哋影完相就拿拿臨起筷😎果然真係好好食，我哋最後仲encore左添😝😝跟住就到爐端燒/鐵板燒😋我哋全部野都係叫咗每人一份，咁就可以試到好多唔同款式嘅嘢食之餘，又唔會太飽食唔落😎全部野都係細細碟，完全啱晒我哋呢啲乜都想食，但係個肚又冇咁多位嘅人😚炸物方面，我哋一開始太貪心，咩都點一餐，搞到成枱都
平時食開嘅放題感覺上都係好多客人，所以啲staff全部都好忙冇乜點招呼，但係係呢度就有被照顧周到嘅感覺☺️啲staff好nice，會提我地邊啲野要趁熱快啲食、見到隔離嗰台人食完走咗，就叫我地坐過啲，驚我哋會坐得太迫、仲會好勤力咁幫我地執碟換碟，全餐晚飯嘅服務都超好😍😍😍
除咗服務，呢度嘅嘢食都唔執輸！款式多之餘，賣相都唔錯！👅
打頭陣嘅就有呢個魚生拼盤，以我哋四個人黎講，呢個份量唔算多，但係啲魚生都依然排得好靚好整齊，仲有啲花花喺後面做裝飾，搞到我哋掛住影個魚生拼盤，都唔記得咗影返我哋自己嘅合照，食食吓先醒起我哋唔記得咗幫自己影相🙈
之後就到壽司同軍艦，服務員好貼心咁提醒我哋火炙嘅壽司要即刻食先好食，所以我哋影完相就拿拿臨起筷😎果然真係好好食，我哋最後仲encore左添😝😝
跟住就到爐端燒/鐵板燒😋我哋全部野都係叫咗每人一份，咁就可以試到好多唔同款式嘅嘢食之餘，又唔會太飽食唔落😎全部野都係細細碟，完全啱晒我哋呢啲乜都想食，但係個肚又冇咁多位嘅人😚
炸物方面，我哋一開始太貪心，咩都點一餐，搞到成枱都係🤦🏼♀️不過服務員都好好，留意到我哋張枱已經無謂再放嘢食，就問我地洗唔洗停一停啲嘢食先，等我哋食到差唔多再上😆😆不過如果下次再嚟食嘅話，都係唔好再點咁多炸嘢啦😢一次過真係食唔到咁多炸嘅嘢😢😢😢
嘢飲方面，其實呢度有好多唔同款式嘅嘢飲，不過我淨係揀咗烏龍茶，因為貪佢無糖，飲得多都唔會咁有罪惡感，總共仲飲咗三罐咁多🤗係我飲到第二罐嘅時候，個店員見到我差唔多飲晒，仲問我駛唔駛幫我攞多罐添🤤真係好warm呀🤤🤤
最後就梗係唔少得甜品啦！其實呢度都有好多款揀，有雪米糍、奶凍、豆腐花、雪糕等等。但係我就食咗呢條韓國雪條👅之前去韓國旅行都有買過黎食，咁啱呢度又有，就有機會俾我再食啦😍😍
張貼
