川婆婆 (寶勒巷) (已結業)

其實我真係唔食得辣架，但呢個best friend又無辣不歡，所以決定打邊爐有辣有唔辣任君選擇。menu好有心機，畫晒illustrations好得意醬料每人＄15，但無我最愛既炸蒜＞＜mix and match 湯底： 白天使（鮮魚湯）＋麻唇鍋，紅到驚蟹子墨魚滑＄68，好彈牙好新鮮侍應所有牛類有68折，咁又幾抵wor，所以叫左個霜降牛小排＄135，其實即係肥牛，不過色澤都幾靚，但都係偏多脂肪。68折緊係唔放過，再叫左個牛肉粒＄94，呢個超正，juciy 到爆，一咬落去係爆汁架，好重牛肉味，而且份量都幾多，抵食。仲有叫左d生菜、餃子、薯粉，普普通通，但我地飽到裂開朋友仲嫌唔夠辣，侍應送上一大碗辣椒粉放入湯到。好癲...水果茶＄38幾好飲夠解辣解渴。