春風撞奶舖 (已結業)

春風撞奶鋪由開張以來都一直充滿人氣，今日夜晚難以忍受台式飲品嘅誘惑，於是終於下定決心，試一試春風撞奶鋪。店鋪雖然細細地，但係勝在招牌夠光夠搶眼，牆身夠特別，離遠都望得一清二楚，一啲都唔難搵到間鋪頭。猶豫左好耐叫咩飲品，最後決定叫左一杯芒果鮮奶同一杯黑糖鮮草奶凍，店員仲好細心提番，甜度係固定的，與其他台式飲品店不同。芒果鮮奶飲落有好香濃嘅奶香味，睇相覺得細細杯，但拎上手原來都幾大杯下。個人比較喜歡黑糖鮮草奶凍，飲落口充滿黑糖味，雖然甜度固定左，但我覺得呢種甜度適中，配上鮮草凍，飲落有啲口感可以咬下！