品味創意台灣料理 (已結業)

今次又有好推介比九龍灣嘅打工仔，今次要介紹既係一間台式餐廳——品味。午飯時段會有午時套餐提供，凡係有會員卡或者拎出food court食嘅朋友都會享有九折優惠‼️。午餐餐牌間唔中會轉，而云云嘅午餐中，我經常會食既心水之一就係乳鴿蕃茄米粉🍲。乳鴿足足係成隻嘅份量，外皮炸得香脆，肉雖然唔算厚但都算食到成口肉，而且唔會炸過龍，仲有可口既薯角🥔伴碟。另外蕃茄🍅米粉都絕對唔馬虎，用類似石鍋熱辣辣上菜，番茄湯充滿咗蕃茄肉同菌類，有淡淡清香既蕃茄味，完全唔係個啲額外嘅茄膏味，好好食。如果食厭茶記，哩間台式餐廳可以一試😋。