影片
更多
2004-12-17
3 瀏覽
話說一行9個人o黎依度食飯, 雖然依度d食物碟頭細, 但都估唔到食o左咁多o野:白酒x 2支- Thomas自備o既~田七花茶x 1杯- 俾佢"排毒"兩個字吸引o左, hahah! 甘甘o地, 幾特別喎~ 佢有100g乾花賣, 可以自己返屋企沖~豆漿x N杯- 佢o地話幾滑喎~水煎羊乳餅x 4碟- 好正呀~~ 夠晒穌, 掂呀~炸地根x 1碟- 一上檯以為係蟲~ 不過我無理就放落口，一邊食一邊問老闆係咩o黎~ 睇怕遲d有人俾毒藥我食我都唔知~ hahahah! 脆脆香香, 送酒最o岩~醬骨架x 2碟- 好入味, 好稔, 正~清燉羊(大) x 2窩- 真係超級推介~~ 老闆講名依度o既湯無加味精!! 湯好甜, 好香羊肉味, 仲好多羊肉o添~ 正~~~~~~田七汽窩雞(大) x 1窩- 好濃田七味同雞味, 都唔錯o架!!過橋餌絲x 1碗- 餌絲係長方形o既, 口感有d似年糕o既麵條, 配埋其他材料幾惹味, 唔錯!涼伴米線x 1碗- 好好食呀!!! 個汁甜甜地, 好正呀~~夫妻肺片x 2碟(一個普通, 一個小辣) - 我食普通, 即係辣d啦, 好麻好好食~麻辣豬耳x 1碟- 依個仲麻, 正呀~
白酒x 2支- Thomas自備o既~
田七花茶x 1杯- 俾佢"排毒"兩個字吸引o左, hahah! 甘甘o地, 幾特別喎~ 佢有100g乾花賣, 可以自己返屋企沖~
豆漿x N杯- 佢o地話幾滑喎~
水煎羊乳餅x 4碟- 好正呀~~ 夠晒穌, 掂呀~
炸地根x 1碟- 一上檯以為係蟲~ 不過我無理就放落口，一邊食一邊問老闆係咩o黎~ 睇怕遲d有人俾毒藥我食我都唔知~ hahahah! 脆脆香香, 送酒最o岩~
醬骨架x 2碟- 好入味, 好稔, 正~
清燉羊(大) x 2窩- 真係超級推介~~ 老闆講名依度o既湯無加味精!! 湯好甜, 好香羊肉味, 仲好多羊肉o添~ 正~~~~~~
田七汽窩雞(大) x 1窩- 好濃田七味同雞味, 都唔錯o架!!
過橋餌絲x 1碗- 餌絲係長方形o既, 口感有d似年糕o既麵條, 配埋其他材料幾惹味, 唔錯!
涼伴米線x 1碗- 好好食呀!!! 個汁甜甜地, 好正呀~~
夫妻肺片x 2碟(一個普通, 一個小辣) - 我食普通, 即係辣d啦, 好麻好好食~
麻辣豬耳x 1碟- 依個仲麻, 正呀~
蒜泥白肉x 4碟- 上檯唔夠一分鐘就清一碟~ hahah!
紅油抄手x 10隻- 依個稔o左d~
水餃x 20隻- 個湯好清, 餃就ok喇~
炸臭豆腐x 1碟- 因為得5粒, 我搶先無點醬就放落口~ 聞落少少臭, 食落唔覺臭~ 原來碟上o既醬係雲南腐乳呀~~ 無試到o添, 衰衝動....... >_<
蒸臭豆腐x 1碗- 多好多粒喎~ 聞落幾臭, 食落都幾臭, 正過炸o既好多~~~
虎皮椒炒牛肝菌x 1碟- 虎皮椒d銀o係炒o既過程中跌走好多, 所以無我想像仲咁辣~ 牛肝菌好爽~~
清炒牛肝菌x 1碟- 有o黎到咩??
干煸四季豆x 2碟(一辣一唔辣) - 辣好食d~
烤羊乳扇x 2碟- 好穌好香口, 又係送酒佳品~~
茴香豆腐湯(大) x 1窩- 老闆誠意推介, 正呀~ 湯好重茴香味, 相反茴香無我想像仲咁勁味喎, 仲好爽甜o添~
東海堂芒果蛋糕x 1個- 多謝晒我d朋友!! 但我都估唔到, 我地食o左咁多o野都仲食得落~ 蛋糕依家o野, 當然要同好nice o既老闆一齊分享喇~
埋單唔駛$900~ 好抵呀~~~~~~~~~
全間舖上上下下招呼都好好~~
下次要試埋脆炸牛乾巴!
張貼