牛気 (淘大商場1期)

朋友常說牛氣好多嘢食，昨晚就去試下，店舖好大，很乾淨，有好多達摩裝飾好可愛，入到去真係好多嘢食，淨係熟食都有十幾廿款，有前菜，小食，甜品，生果，有D熟食都幾特別，例如泰式牛濃湯/咖哩牛筋腩，飲品亦有好多款式。打邊爐的款式都好多，連泰國媽媽麵都有，我哋叫咗泰happi主題$388蚊餐，先來一盤海鮮，有大海蝦，青口，帶子，魷魚，花膠，好新鮮。另外仲有三文魚刺身，可以過下刺生癮😅而且仲可以無限追加😋湯底就叫咗牛骨濃湯，好有牛味👍🏽嚟到牛氣當然要點牛啦，日本九州和牛，油花均衡，另外亦試左三款牛，都很有牛味，又唔韌。店內實在太多美食，不用追加都可以食到好滿足，唯有下次再食多啲😋😋