Ocio (東港城) (已結業)

今日好想食甜品，但個人比較傳統，食甜品之前都想食個主菜先得既🤣🤣🤣係東港城太多選擇，去到2樓見到裝修風帶啲簡約風既Ocio，舖頭入面poster 既甜品真心吸引，對腳已經行左入去了🤭menu見到係好多甜品，樣樣都想試！而dinner set 都多款！🥢辣肉腸珍寶帶子手工意粉🍝：辣肉腸切粒，配上超大粒帶子，帶子兩邊煎香，配埋秘整意粉汁混合，連埋切條露荀，意粉係手工製，較粗身但口感較特別！🥢冬陰功大蝦燴意大利飯🍛：冬陰功食譜幾時都受歡迎，皆因夠惹味，呢度加入新鮮配料煮出既飯，粒粒飯都索哂啲冬陰功味，同時因為用燴飯形式，寧舍入味！🥢德國咸豬手配薯條🍟：難怪waiter話係推介菜，個豬手同你起左肉，焗到個皮脆卜卜，味道唔太咸，配埋炸得剛好既薯條做side dish ！🥢鑊仔蜂蜜厚鬆餅🥞：一吃下去感覺似紙包蛋糕咁，但較鬆軟，唔會好甜，烘焙得剛剛好，雖然等候時間唔太短，但值得！