影片
更多
2020-12-25
6205 瀏覽
今次係來自大阪嘅生吐司店 SAKImoto Bakery。佢哋由2017年開業，到而家喺日本已經有十幾間分店啦。香港第一間分店選址喺尖沙咀港威商場。其實我之前已經bookmark咗諗住下次去大阪食，諗都冇諗過竟然會喺香港食先😔😔前日趁放假就早啲起身去見識吓(開張後第二日)。我8:55am去到店舖門口（開門時間係9am) 已經見到有三條人龍。▫️ 人龍1: 拎籌號購買一條(一斤) 生吐司 每位手持籌號嘅客人可以喺指定時間內購買「極美」(HKD45) /「極生」(HKD50)(一斤)各一條。價錢比起單片裝係平啲嘅，但我就冇耐性排隊買麵包，仲要係唔知喺邊個時段先買到，所以先考慮堂食。▫️人龍2: 購買手工果醬 + 獨立片裝麵包每日首50名顧客限購3瓶，其後每位顧客限購1瓶😱獨立單片裝麵包每位限購兩片。▫️人龍3: 堂食我到達嘅時候只有一個人喺我前面排隊。所以我只係等咗幾分鐘就被安排入坐。我覺得餐廳呢個安排幾妥善，冇任何混亂嘅情況出現。餐牌有「極美」(HKD24/片)同埋「極生」(HKD26/片)生吐司選擇。其實兩者有咩分別呢？「極美」生吐司係採用無蛋無奶配方，以湯種製法來保留麵包嘅水份。「極生」生
前日趁放假就早啲起身去見識吓(開張後第二日)。我8:55am去到店舖門口（開門時間係9am) 已經見到有三條人龍。
▫️ 人龍1: 拎籌號購買一條(一斤) 生吐司
每位手持籌號嘅客人可以喺指定時間內購買「極美」(HKD45) /「極生」(HKD50)(一斤)各一條。價錢比起單片裝係平啲嘅，但我就冇耐性排隊買麵包，仲要係唔知喺邊個時段先買到，所以先考慮堂食。
▫️人龍2: 購買手工果醬 + 獨立片裝麵包
每日首50名顧客限購3瓶，其後每位顧客限購1瓶😱獨立單片裝麵包每位限購兩片。
▫️人龍3: 堂食
我到達嘅時候只有一個人喺我前面排隊。所以我只係等咗幾分鐘就被安排入坐。
我覺得餐廳呢個安排幾妥善，冇任何混亂嘅情況出現。
餐牌有「極美」(HKD24/片)同埋「極生」(HKD26/片)生吐司選擇。其實兩者有咩分別呢？「極美」生吐司係採用無蛋無奶配方，以湯種製法來保留麵包嘅水份。「極生」生吐司雖然係無蛋，但有北海道牛奶，牛油，蜂蜜，製法跟「極美」生吐司亦有分別。我覺得「極生」無論味道同埋香味都比「極美」優勝，配上果醬一齊食更加好味😋
揀完吐司就揀口味喇。我就揀咗三款果醬 + 北海道牛油(+HKD35)
🧡Orange
💚Pistachio
🤍Earl Grey
手工果醬味道係幾甜，三隻味道要我揀嘅話我會揀Earl Grey, 比較特別啲有啲食緊Earl Grey蛋糕嘅感覺😝反而我覺得北海道牛油跟烘到好脆嘅生吐司一齊食又唔錯喎，能夠帶出麵包+牛油嘅香味，味道又唔會太甜。另外我叫咗杯 Americano (Iced - HKD35)。
食完嘢我揀咗樽Rum & Raisin Pearl Jam (HKD70)，兩塊獨立單片裝多士 (極美及極生各一片)，仲有一包蜜糖金磚 (HKD30)先行埋手銀機度排隊俾錢。我諗應該會過一段時間先會再去呢度 (或者下次去嘅時候係去大阪店？😏)，咪買樽果醬返屋企食囉。 (最尾嗰兩張相就係喺屋企影嘅)
我離開餐廳嘅時候堂食人龍已經有十幾個人，我覺得喺唔需要排隊嘅情況下真係值得一試。要我排一個鐘頭隊去食一件多士或買一至兩條麵包就免喇😝
張貼
