影片
更多
2024-09-20
304 瀏覽
今次我地黎左旺角玩，之前經過呢度見到開左間叫牛丼家既餐廳，我見佢都平平地，可以試下，就揀左黎呢度食lunch😆上到去係快餐店模式黎既，自己搵位再去櫃台點餐，嗌完就等攞餐埋位食，餐具係自己位，調味料就外面攞餐位度有😗牛魔王飯（份量M）（$42）呢個牛魔王係一塊和牛漢堡黎既，見幾特別就嗌黎試下，佢地仲有教學點食呢個飯，d汁要淋落個飯度，唔係淋落塊肉度，之後一啖飯再一啖肉咁，跟佢食法又唔錯，塊牛幾有質素，熟成度岩岩好，個牛魔王汁我覺得似喼汁，酸酸地，因為有柚子醋，食牛肉都夾，呢個飯幾有驚喜🐮咖哩雞扒飯（份量M）（$48）呢個咖哩飯用左日式咖哩，唔會太水又唔會太杰，味道正常，d雞煎得好好，外面皮脆，裡面雞肉又夠肉汁，撈咖哩食又令佢冇咁乾，整體都好食🍛跟公魚仔餐（+$15）佢可以跟餐多份小食同飲品，呢個公魚仔個樣既似多春魚，不過就冇魚子，食落幾好，表面幾脆🐟跟炸雞餐（+$20）另一個揀左跟炸雞，呢個我覺得好食過魚，炸出黎熱辣辣要趁熱食，記得出去外面攞炸雞醬，咁先正🐥白桃汁冰紅茶跟餐飲品可以揀白桃汁，冰紅茶，味噌湯，或者罐裝飲品，桃汁同冰紅茶算係較特別，清涼解渴🍹呢度仲話即使我依家已經唔係學生，只
上到去係快餐店模式黎既，自己搵位再去櫃台點餐，嗌完就等攞餐埋位食，餐具係自己位，調味料就外面攞餐位度有😗
牛魔王飯（份量M）（$42）
呢個牛魔王係一塊和牛漢堡黎既，見幾特別就嗌黎試下，佢地仲有教學點食呢個飯，d汁要淋落個飯度，唔係淋落塊肉度，之後一啖飯再一啖肉咁，跟佢食法又唔錯，塊牛幾有質素，熟成度岩岩好，個牛魔王汁我覺得似喼汁，酸酸地，因為有柚子醋，食牛肉都夾，呢個飯幾有驚喜🐮
咖哩雞扒飯（份量M）（$48）
呢個咖哩飯用左日式咖哩，唔會太水又唔會太杰，味道正常，d雞煎得好好，外面皮脆，裡面雞肉又夠肉汁，撈咖哩食又令佢冇咁乾，整體都好食🍛
跟公魚仔餐（+$15）
佢可以跟餐多份小食同飲品，呢個公魚仔個樣既似多春魚，不過就冇魚子，食落幾好，表面幾脆🐟
跟炸雞餐（+$20）
另一個揀左跟炸雞，呢個我覺得好食過魚，炸出黎熱辣辣要趁熱食，記得出去外面攞炸雞醬，咁先正🐥
白桃汁
冰紅茶
跟餐飲品可以揀白桃汁，冰紅茶，味噌湯，或者罐裝飲品，桃汁同冰紅茶算係較特別，清涼解渴🍹
呢度仲話即使我依家已經唔係學生，只要攞得番舊時既學生證，就可以套餐減$5，就算係30年前既，都受你玩，幾過癮，呢度價錢合理，味道都好食，lunch黎食的確好選擇，又多間丼飯餐廳揀啦✌🏻
張貼
