Express Bar By Lassana (中信大廈) (已結業)

約朋友下午茶，見到呢間D食物整得好靚，座位又闊落所以試下。點咗一杯Cappuccino，味道好香濃，仲有我至愛嘅三文魚、牛油果牛角包，食材够晒新鮮甜美。朋友就試咗伯爵蛋糕同沙律，味道清甜，材料豐富，同樣都好滿意。價錢亦合理，以呢區黎講好抵食。位置都幾方便，金鐘地鐵站E2出口經過天橋入中信大廈轉左就見到。聽講呢度最出名嘅係榴蓮芝士同伯爵茶芝士蛋糕，可惜今日已經賣晒了，下次會帶埋小朋友黎試多幾款蛋糕。