Warren (已結業)

最近同朋友嚟過呢度食過，咁啱諗住留番個食後感之際，見到有幾個差評，八掛嘅我就睇下人地寫乜，睇完之後我又覺得唔係寫到咁差喎！多事嘅我又想講番少少中肯d嘅嘢，呢間小店環境就見仁見智啦，又未至於茶餐廳咁。咁啱訂枱當日收到店員confirm booking問我需唔需要預留龍蝦？我見到之前嘅食評有人讚過所以就一口叫店員預留左。呢隻龍蝦包左個蟹肉龍蝦湯，見到有人話個龍蝦湯無龍蝦？！以我認識嘅龍蝦湯係用龍蝦頭同殼去煲出嚟，呢間就會放啲蟹肉落個湯度，變左有飲湯之餘有啲嘢食下啫。主菜龍蝦嚟喇！賣相唔差丫隻龍蝦都好新鮮，但敗筆之處就係食完隻龍蝦之後舊肉就凍左，呢方便希望廚師改善一下！甜品就不過不失。當晚顧住同朋友飲酒傾計，影漏左啲相。