戶井北海道米比薩 (已結業)

其實想試好耐，不過見OPENRICE既食評咁多喊樣，而銅鑼灣又咁多好野食，次次都同呢度擦身而過~買左2張HK$99一人餐團購，今日終於決定比次機會試試，是日星期六都見到人龍，等左20分鐘到就安排入座，2個人點左餐湯、蕃茄大蝦意粉、三文魚菠蘿米飯PIZZA、甜品係烤蕃薯雪糕。餐湯-味道還好，不過片蒜蓉包就麻麻地，蕃茄大蝦意粉-好味，份量足，有2隻大蝦，仲有足夠既蕃茄醬，味濃三文魚菠蘿米飯PIZZA-味道OK，有D似食煲仔飯既飯焦，配上大量芝士，味道有趣。烤蕃薯雪糕-呢個好好味，烤蕃薯熱辣辣，味道清甜，加上雪糕，一凍一熱，味道一流。雖然味道未見驚喜，但都唔係好似其他人講咁不值一試，團購餐仲包1人1盒500ML曲奇味HAAGEN-DAZS，以HK99 + HK$30服務一位既角度，我覺得可以一試。