影片
更多
2019-06-01
23 瀏覽
星期日嘅下午茶，呀妹帶路之下黎左呢間位於廣華街嘅甜品店，門口光潔明亮又有色彩。店內係柔和可愛風格，有助預備食甜品嘅好心情。三個人share左好多甜品，呢度只係冰山一角。水果星球系列可選配芒果／椰汁西米，或者芒汁／椰汁涼粉。我呢個係配椰汁西米，水果星球晶瑩剔透，口感清爽似大菜糕，賣相靚感覺又健康。其他水果都新鮮甜美，西米卜卜脆有口感，個椰汁底唔會太甜。芒果雪之國只係$36，比外面嘅冰品平，但整得好有心思。牛奶味嘅冰本身夾雜住士多啤梨同芒果，加埋新鮮生果，每啖都好清新唔會過甜，我諗就算減緊肥嘅人都可以冇負擔咁食。榴槤甘露配榴槤球係呀妹之選，椰汁西米底加埋兩個冰凍榴槤球一齊食，大滿足，榴槤似係貓山皇嘅味道，香濃綿密。為食嘅老公話叫個小食食下，所以加左6隻瑞士雞翼。食得出醃嘅時間好足夠，極之入味，不過略嫌鹹左少少。第二round叫左個綠茶窩夫，窩夫有蛋香口感亦都內脆外軟，特別值得一讚係配料比得勁大方，由頭到尾每一啖窩夫都可以加埋紅豆、小丸子同雪糕一齊食，綠茶雪糕仲好夠濃味。香芒之戀係俾隔離檯吸引而叫，個拉花同埋幾片士多啤梨真係整得好靚！飲落似水果奶昔，冰感唔會太重，唔使驚大熱天時一冷一熱會頭痛
星期日嘅下午茶，呀妹帶路之下黎左呢間位於廣華街嘅甜品店，門口光潔明亮又有色彩。
店內係柔和可愛風格，有助預備食甜品嘅好心情。
三個人share左好多甜品，呢度只係冰山一角。
水果星球系列可選配芒果／椰汁西米，或者芒汁／椰汁涼粉。
我呢個係配椰汁西米，水果星球晶瑩剔透，口感清爽似大菜糕，賣相靚感覺又健康。
其他水果都新鮮甜美，西米卜卜脆有口感，個椰汁底唔會太甜。
芒果雪之國只係$36，比外面嘅冰品平，但整得好有心思。牛奶味嘅冰本身夾雜住士多啤梨同芒果，加埋新鮮生果，每啖都好清新唔會過甜，我諗就算減緊肥嘅人都可以冇負擔咁食。
榴槤甘露配榴槤球係呀妹之選，椰汁西米底加埋兩個冰凍榴槤球一齊食，大滿足，榴槤似係貓山皇嘅味道，香濃綿密。
為食嘅老公話叫個小食食下，所以加左6隻瑞士雞翼。
食得出醃嘅時間好足夠，極之入味，不過略嫌鹹左少少。
第二round叫左個綠茶窩夫，窩夫有蛋香口感亦都內脆外軟，特別值得一讚係配料比得勁大方，由頭到尾每一啖窩夫都可以加埋紅豆、小丸子同雪糕一齊食，綠茶雪糕仲好夠濃味。
香芒之戀係俾隔離檯吸引而叫，個拉花同埋幾片士多啤梨真係整得好靚！飲落似水果奶昔，冰感唔會太重，唔使驚大熱天時一冷一熱會頭痛，芒果味突出，好滑溜。
西瓜特飲係老公跟風叫嘅，係鮮榨西瓜汁，入面有西米同珍珠增加口感。
最後竟然仲加左個牛奶小方，我地三個都好驚訝自己點解可以食不停。牛奶小方其實係牛奶味嘅奶凍，質感好特別，係比jelly軟身少少，又比布甸硬身少少，幾好咬，奶味仲好香濃，加埋椰絲一流，份量仲比想像中多。
我地食到好似甜品放題咁，都只係每人一百蚊，性價比好高。呢間甜品店嘅好處係所有甜品都唔會過甜或死甜，係好清新嘅感覺，回頭率100%。
張貼
