影片
更多
2004-08-12
11 瀏覽
相識多年的鬼妹要返祖家，今日下午同佢食餐飯薦行。佢食素，中上環選擇不太多，記憶所及得德寶齋廚同呢度，咁佢當然第一時間來這裡。星期四的下午都坐滿，又是清一色外國人，得我一個本地人。費事諗，都叫了今日的廚師推介，加兩杯甘筍汁。甘筍汁先來，沒有下糖都幾清甜，唔錯；廚師推介是蕃茄牛油果沙律，加煎Green Lentil同芝士焗薄餅。焗薄餅夾有芝士熱辣辣，加入蕃茄牛油果沙律味道唔錯，好味又不似食素，份量亦足，不俗；呢度的Green Lentil幾大條，味道比平時買到的甜，以前不覺得呢味野好味，但今日就覺得唔錯。埋單二百六，加入環境、氣氛、同食物質數，實在唔算貴。說著談著，眨眼已成三點。情況就好像昨天才到機場接她的機，今晚就要飛走一樣。在門口說再見，已不知有沒有再見的機會了。要珍重啊！
星期四的下午都坐滿，又是清一色外國人，得我一個本地人。費事諗，都叫了今日的廚師推介，加兩杯甘筍汁。
甘筍汁先來，沒有下糖都幾清甜，唔錯；廚師推介是蕃茄牛油果沙律，加煎Green Lentil同芝士焗薄餅。焗薄餅夾有芝士熱辣辣，加入蕃茄牛油果沙律味道唔錯，好味又不似食素，份量亦足，不俗；呢度的Green Lentil幾大條，味道比平時買到的甜，以前不覺得呢味野好味，但今日就覺得唔錯。
埋單二百六，加入環境、氣氛、同食物質數，實在唔算貴。
說著談著，眨眼已成三點。情況就好像昨天才到機場接她的機，今晚就要飛走一樣。在門口說再見，已不知有沒有再見的機會了。
要珍重啊！
張貼