一鍋堂 (XX Arcade) (已結業)

最近天氣凍左好多，加上晚市又取消了堂食，所以每逢假日，我同男朋友都會出街食餐豐富既午餐。今日，男朋友即興想打邊爐，於是我地就去了旺角既<一鍋堂><一鍋堂>都有一段時間沒來了，今次來到，餐廳又出了新味道既湯底-忌廉周打蜆湯同蕃茄羅勒湯，新湯底仲係旺角店限定！所以我地諗都唔諗，就揀左限定既忌廉周打蜆湯，同之前試過不錯的胡椒豬肚湯。餐廳既飲品選擇非常多，除左一般汽水外，仲有餐廳每日新鮮自家製的健康飲品，飲完可以消脂，抗氧化，降低血壓同提神等，岩晒我呢種又要食又要健康既朋友！所以，我就揀了蝶豆花茶同薄荷烏龍茶，味道非常清甜，易入口，完全沒有五花茶果種的苦澀味呢至於食物方面，餐廳採取了手機自助下單的形式，非常方便。一般手機下單後，等待約五分鐘就送到，而且沒有漏單，效率快捷。而我最愛在用餐前，把炸魚皮放入湯底浸兩至三下，試試湯底的味道。果然，今次新推出的忌廉周打蜆湯味道非常美味，令我忍唔住飲了一碗的湯底，而且味道濃郁，基本上食物吸收了湯底，都不用再另點醬油，味道已很足夠！下次一定會再叫忌廉周打蜆湯呢