真鮨 (已結業)

有吧枱坐，幾有居酒屋感覺。可能平日加上未夠7點關係，一枱人都冇，我同朋友感覺包場。職員都為我地介紹左當日最新鮮既魚生供我地參考。本身想試下壽司，但見到丼好吸引，最後忍唔住叫左兩個。海膽好新鮮，甘香。吞拿魚蓉唔腥。軟殼蟹原隻上，好脆口，配合埋蟹肉蟹膏，一軟一脆，兩種感覺。芝士鰻魚玉子燒，熱熱地，蛋皮唔嚡，不錯，只係鰻魚同芝士分量唔多。清酒煮蜆相對其他遜色，雖然每隻都大，但8隻裏面，3隻係有沙。下次唔會再叫依個。雖然價錢貴左少少，但魚生方面都係新鮮，而且坐位舒服，下次會試下壽司。