影片
更多
2021-03-26
488 瀏覽
早幾日同朋友去食樂園素食下午茶，呢間餐廳前身係素一，因為平日的關係，68蚊一個人加埋一就75蚊一個，素食自助餐來說不叫特別抵，但對我來說最重要都係食物質素，餐廳都多人食下午茶，都幾full下，而且都注重衛生，每個食客都派一對手套，要帶手套先可以拎食物，同埋因為疫情關係，每次都要拎乾淨新碟去拎食物，而且侍應姐姐收碟好快，呢個加一服務費真係抵比。食物方面都有好多選擇，有中式熱食，又有日式素食、炸物同甜品，友人就覺得樣樣食物都係飽肚澱粉質為主，但我覺得尚可接受，因為自助餐精神就係自己隨便揀自己想食的嘢，而且可能我大部份食物都啱食，所以ok。我第一轉主要拎左素刺生壽司、日式芝麻豆腐、蘿蔔糕同南瓜餅，刺生壽司我覺得ok，我唔知點解會想形容佢為櫻花味，因為就係似櫻花魷魚的味，但係的確三隻刺生味道上分別不大，我個人傾向揀魷魚，因為同埋係蒟蒻，我估白色會好一點。日式豆腐好入味，細細舊同好滑，我鍾意食呢個。蘿蔔糕正正常常不過不失，只係我食過更好食的素蘿蔔糕，唔係佢唔好食。南瓜餅入面煙煙韌韌，南瓜味略嫌唔夠千，優點係唔太甜。第二輪，我便揀了encore素壽司、地瓜球、豆沙煎堆、奶黃包、手抓餅、中華沙律、黑
食物方面都有好多選擇，有中式熱食，又有日式素食、炸物同甜品，友人就覺得樣樣食物都係飽肚澱粉質為主，但我覺得尚可接受，因為自助餐精神就係自己隨便揀自己想食的嘢，而且可能我大部份食物都啱食，所以ok。
我第一轉主要拎左素刺生壽司、日式芝麻豆腐、蘿蔔糕同南瓜餅，刺生壽司我覺得ok，我唔知點解會想形容佢為櫻花味，因為就係似櫻花魷魚的味，但係的確三隻刺生味道上分別不大，我個人傾向揀魷魚，因為同埋係蒟蒻，我估白色會好一點。日式豆腐好入味，細細舊同好滑，我鍾意食呢個。蘿蔔糕正正常常不過不失，只係我食過更好食的素蘿蔔糕，唔係佢唔好食。南瓜餅入面煙煙韌韌，南瓜味略嫌唔夠千，優點係唔太甜。
第二輪，我便揀了encore素壽司、地瓜球、豆沙煎堆、奶黃包、手抓餅、中華沙律、黑松露炒飯。地瓜球都幾好食，入面係流心芋蓉，不過相對較甜。豆沙煎堆感覺有點油益感，豆沙餡係ok，但整體可一不可再。奶黃包就不過不失，不算好味亦不算差，正正常常，大家可以試，但不要期望太高。手抓餅無乜味，唔知係唔係因為平時會夾嘢食，所以齋食感覺好乾好無味。中華沙律就是一大包買返嚟的日式配菜，我個人本身就比較鍾意食，所以都ok。不過黑松露沙律就真係不了啦，我戴定頭盔先，可能係我個日炒得唔好，唔飯比較硬同乾真真，味道略為欠缺。
第三轉我便主打甜品，有百香果凍、抹茶和菓子同brownie，百香果凍太太太甜，食4份一舊已經好夠，唔會想再食，抹茶和菓子係ok的，餡係有少少偏甜，但因為份量不多加上外皮無甜味，可以中和了，所以食落係適中。但係brownie真係好好食，好好味，好食到令人想再encore。
整體來講，我覺得係ok的，入面有好食有唔好食，自助餐就係自己啱食就再揀，所以我覺得接受，加上個個口味唔同，好睇個人本身喜好。
以下評分以5⭐️為滿分
⭐️⭐️⭐️
張貼
