影片
更多
2008-04-05
4 瀏覽
近排日日OT,又係外賣時候…呢次大家揀左CAFFE HABITU。兩款pizza加兩款pasta,再加兩件cakes,成雙成對,三個女孩子分享,夠晒啦!原來呢度既pizza個底係極薄,係我食過咁多次pizza中最薄的,同事話意大利最傳統既pizza係咁個喎,個底做得好脆,好似食餅咁,不過亦因為薄,食多幾件都唔會太飽,感覺好light。其中一款有芝士有三文魚,好好味,芝士味好濃,而三文魚又香又唔腥,我幾喜歡;另一款係蕃茄醬既,有巴拿馬火腿,比較傳統,所以一般,而且我不愛鹹鹹的巴拿馬火腿。Pasta方面,芝士什菌闊麵係勁好味呀!好多好多芝士汁,什菌好大件,食完仲想食,喜愛芝士人士不容錯過!而且材料比較素,所以明知芝士較肥,都覺得OK啦!另一款係茄汁既扁意粉,唔記得叫乜,但係有螺肉,係連埋殼果隻,反而我唔太喜歡,茄醬味道好濃。不過咁,雖然呢度既pasta七十幾八十蚊一客,但係份量真係少,淨係咁食一客應該唔會夠…再食左個American cheesecake,嘩,的確好硬身,絕對夠芝士,個餅底都好好味,亦頗厚,反而$28有個都算大既cake,我又覺得抵食,面頭有一小塊印上caffe habit
兩款pizza加兩款pasta,再加兩件cakes,成雙成對,三個女孩子分享,夠晒啦!
原來呢度既pizza個底係極薄,係我食過咁多次pizza中最薄的,同事話意大利最傳統既pizza係咁個喎,個底做得好脆,好似食餅咁,不過亦因為薄,食多幾件都唔會太飽,感覺好light。其中一款有芝士有三文魚,好好味,芝士味好濃,而三文魚又香又唔腥,我幾喜歡;另一款係蕃茄醬既,有巴拿馬火腿,比較傳統,所以一般,而且我不愛鹹鹹的巴拿馬火腿。
Pasta方面,芝士什菌闊麵係勁好味呀!好多好多芝士汁,什菌好大件,食完仲想食,喜愛芝士人士不容錯過!而且材料比較素,所以明知芝士較肥,都覺得OK啦!另一款係茄汁既扁意粉,唔記得叫乜,但係有螺肉,係連埋殼果隻,反而我唔太喜歡,茄醬味道好濃。不過咁,雖然呢度既pasta七十幾八十蚊一客,但係份量真係少,淨係咁食一客應該唔會夠…
再食左個American cheesecake,嘩,的確好硬身,絕對夠芝士,個餅底都好好味,亦頗厚,反而$28有個都算大既cake,我又覺得抵食,面頭有一小塊印上caffe habitu名稱既朱古力片,都好味架!
張貼