茶A (已結業)

呢排常駐粉嶺，又見到佢地開左咁多間新餐廳。呢間長期都有好多人排隊，咁旺場，今日襯有時間就停低一試。海皇福建炒飯超級足料，有齊雞粒、蝦、魷魚等等。蝦同魷魚個size 大大粒，而且蝦嘅口感夠晒爽口彈牙，夠鑊氣。大澳蝦醬雞全翼配薯仔蛋沙律個蝦醬雞全翼新鮮即炸出黎。一送過黎就聞到超濃蝦醬味，個皮熱辣辣又好脆，真係好味，用黎做下午茶，爽。鹹牛肉炒蛋多士，個人覺得鹹牛肉百搭溝乜都岩🤣飲品方面因為有啲聲沙沙就叫左檸樂煲薑，愈黎愈少餐廳有呢啲特飲架啦。第一次係度飲，味道不錯，飲完即刻暖笠笠。