LOG-ON Café (已結業)

放工約七點打算食少少野先返屋企，就去公司附近搜尋甜品，最後行到log on有抹茶蛋糕試食，就決定入去食。餐廳係半自助，要自己揾位，但全鋪滿座(好多人都係食完傾計)，等咗一陣先有位。今次點咗抹茶cheesecake, 士多啤梨多士，加十三蚊有一杯傳統抹茶，及鮮奶抹茶。士多啤梨多士分量較細，唔夠熱，普通茶餐廳都可能做得又平又好味。抹茶cheesecake 夠滑又夠抹茶味，下次可以試其他抹茶類蛋糕。飲品自己落糖水可以自己控制甜度，但唔落糖真係好難飲，因為有抹茶的苦澀味。鮮奶抹茶就比較滑，但傳統抹茶就清啲。