味力冰室

營業中

休息中

開左兩三星期，一路都多人，夜左又唔開（呢附近係做早午市），今日終於可以幫襯到下午茶。近幾年，開左好多乜乜冰室，都係打經典食品，其實只係炒靚滑蛋，多士，炸雞脾，薯條。。。呢間可以打動我嗎🤔餐牌選擇唔多，簡單叫個經典熱狗+奶茶。冇驚喜。以為用大香腸，原來係兩條細腸，我係呅咬到一半，跌左一段香腸，才察覺到。奶茶唔夠滑，熱度都唔夠。。。（純個人口味）見對面有位青年叫左叉燒滑蛋飯。蛋色紅潤好似好正。但可能份量少左d,見他快速秒殺，再叫但沙爹牛肉包。價錢都唔平，尤其早餐。坐位幾好，相信滿座都唔會撞手踭。附近已有用靚滑蛋同冰室主題的，希望佢生意興隆，又會改進食物，多d選擇。唔好人地冰室懷舊，你又冰室懷舊經典。好悶㗎。加油。