影片
更多
2010-03-21
19 瀏覽
去完Church之後又黎搵野食，聽日開始離開香港兩星期，媽咪問我有d咩好想食喎，話驚我會好掛住香港既野食，哈哈! 其實我都無咩所謂，最後見呢間茶餐廳幾多野食咁就入去食啦，其實我中學時期都會幫襯下佢買早餐，不過真係入去食又未試過。入面地方都幾大，我地入到去既時候餐廳都係半滿到，佢有好多卡位，可以坐得舒服D。內裡選擇真係幾多，港式泰式焗飯都有，最後我地叫左一個常餐，一個燒肉叉燒飯再加一個菠蘿油。菠蘿油就非常之一般，其實唔係幾好食，金華好食好多。因為首先佢唔夠熱，有點凍凍的，搞到D牛油都唔係幾溶。之後個皮又唔夠香同脆，而且佢個麵包做得麻麻地，好厚粉唔係幾好食。燒肉叉燒飯呢個最好，首先佢既份量都幾大，所以我地都食唔哂要搵食物盒裝走。而佢D燒味都OK幾靚，份量都俾好多，燒肉表面燒得脆脆又有肉味，間中有D脂肪，好食。而叉燒雖然唔係好夠香，但都唔錯喎，瘦得黎唔會靱。個人覺得呢個燒味飯都OK。最後常餐就都係非常之一般啦，蛋有蛋汁但唔係好滑，而且無咩蛋味。餐肉米不置可否，因為無咩特別。呢度D咖啡係苦味重，但反而唔係幾酸，所以都OK喎。食完都唔會催你走，服務無咩大問題。不過食物質素又係一般般，一吃是沒什麼
入面地方都幾大，我地入到去既時候餐廳都係半滿到，佢有好多卡位，可以坐得舒服D。內裡選擇真係幾多，港式泰式焗飯都有，最後我地叫左一個常餐，一個燒肉叉燒飯再加一個菠蘿油。
菠蘿油就非常之一般，其實唔係幾好食，金華好食好多。因為首先佢唔夠熱，有點凍凍的，搞到D牛油都唔係幾溶。之後個皮又唔夠香同脆，而且佢個麵包做得麻麻地，好厚粉唔係幾好食。
燒肉叉燒飯呢個最好，首先佢既份量都幾大，所以我地都食唔哂要搵食物盒裝走。而佢D燒味都OK幾靚，份量都俾好多，燒肉表面燒得脆脆又有肉味，間中有D脂肪，好食。而叉燒雖然唔係好夠香，但都唔錯喎，瘦得黎唔會靱。個人覺得呢個燒味飯都OK。
最後常餐就都係非常之一般啦，蛋有蛋汁但唔係好滑，而且無咩蛋味。餐肉米不置可否，因為無咩特別。呢度D咖啡係苦味重，但反而唔係幾酸，所以都OK喎。
食完都唔會催你走，服務無咩大問題。不過食物質素又係一般般，一吃是沒什麼所謂的。
張貼
