幸圓 (已結業)

乘車經過經常見到的舖頭有一定著數，好似今日又再次忍唔住來了 鰂漁涌的幸圓。幸圓海鮮丼每次食到呢個幸圓海鮮丼都有一種幸福感覺， 包含咗十多款新鮮時令海鮮刺身食材， 當中最愛當然包括creamy的海膽， 勁吸睛而且 鮮甜彈牙的赤蝦， 最撈一口滿滿的吞拿魚腩蓉配合珍珠米， 真係無敵。鹽燒加拿大保濕豬鞍 配蜜糖芥末籽汁最鍾意呢啲大大份嘅食物，更加鍾意係佢絕對配得上這個保濕稱號， 切下去已經知道非常 鮮嫩多汁， 難得的是外皮都煎到香脆， 肉亦都醃得惹味， 集合味道口感視覺享受於一身。Mango Paradise食過這裏的刨冰知道有一定質素, 所以好放心叫了這杯酸甜結合的芒果飲品, 沙冰非常嫩滑, 爽呀。Strawberry Slush屬於接近奶昔飲品, 加了鮮奶口感非常細滑, 中和士多啤梨帶來的酸甜, 順喉。玉桂蘋果牛角包窩夫牛角包窩夫真的不能抗拒， 香脆酥口，牛油味十足， 配合肉桂蘋果醬真的絕配， 加一口雪糕更加是無敵。