神戶屋日韓放題

營業中

休息中

又係生日飯時間,朋友要求食放題。揀咗地點係旺角,旺角真係好多放題可以選擇。只係兆萬都有唔同選擇,上次食過其中一間,今次揀來神戶。上網可以訂枱好放便,唔同時間唔同價錢,任食兩小時(落單個半鐘)。因為星期日可以食早d,七點前都係$209一位再加一。有好多張唔同款式既食物紙,刺身,沙律,壽司,炸物,火鍋,手卷,串燒,麵類,料理......一入坐會有三張紙比你,第一張係意見表,第二張可以揀壽喜燒或韓式部隊鍋,第三張係首次刺身order。下面張相係首次落單。其他炸物,天婦羅咩都叫d咁啦。匿個就係送既壽喜燒,其實都唔係壽喜燒,好似火鍋咁。另外點咗個火鍋,五人分量但d餸每款得兩件,不過都好彩因為個個都差不多飽。匿度甜品有啫喱凍,豆腐花,雪米磁,雪糕杯可以任囉,但如果要雪條就要比錢。整體匿間都多野食揀,但係野食方面就唔夠熱,味道一般,可能全部都係整定攞出嚟。我地五個人佢都安排咗我地坐房,但因為房係兩張枱,每張可以坐六至七個人,所以其實係同其他人share一間房。因為我地食早,頭一個鐘係我地自己一間房好舒服,跟住嚟咗另一枱就開始嘈。以匿個價錢可以一試但短期唔會再食。